Mae Chris yn brofiadol o ran darparu gwasanaethau cyhoeddus digidol ar lefel leol a chenedlaethol. Ar ôl treulio 14 mlynedd yn datblygu gwasanaethau digidol yng Nghyngor Bwrdeistref Sirol Castell-nedd Port Talbot, ymunodd Chris â Llywodraeth Cymru i arwain cyflwyno Hwb, platfform dysgu digidol i Gymru. Yn 2021, ailymunodd Chris â Chyngor Bwrdeistref Sirol Castell-nedd Port Talbot fel Prif Swyddog Digidol, lle mae'n hyrwyddo'r defnydd arloesol ddigidol, data a thechnoleg i drawsnewid profiad y cyhoedd a defnyddwyr y staff.

Mae Ignacia yn arbenigwr dylunio gwasanaethau gyda phrofiad yn y sector cyhoeddus a phreifat. Mae ganddi brofiad o ddatblygu cymunedau gwasanaeth, ar ôl dylunio gwasanaethau cymhleth i gefnogi defnyddwyr trwy Brexit a COVID-19. Mae hi hefyd yn angerddol am ddylunio gwasanaethau hygyrch a chreu timau amrywiol.

Mae Hushneara yn arbenigwr pwnc mewn caffael cynaliadwy a rheoli'r gadwyn gyflenwi gyda ffocws ar garbon isel. Hi yw cyfarwyddwr y Ganolfan Gynaliadwyedd, sefydlodd i fod yn gatalydd mewn meysydd fel rheoli'r gadwyn gyflenwi, yr economi gylchol, sero net a llythrennedd carbon.

Mae Heledd yn rheolwr digidol yn Cyfoeth Naturiol Cymru, mae’n arwain tîm o gyfieithwyr ac arbenigwyr dylunio a digidol. Mae ganddi brofiad o gyfathrebu a rheoli gwasanaethau digidol dwyieithog yn y sector cyhoeddus yng Nghymru.

Mae Andy yn gyn-brif uwcharolygydd gyda Heddlu Gwent sydd wedi arwain ar dechnoleg gorfodi'r gyfraith ar draws y DU ac Ewrop ac mae'n aelod amlwg o gymuned y gwasanaethau brys. Mae Andy wedi arwain ar brosiectau newid a mentrau ar y cyd yn y sector preifat a chyhoeddus ac mae'n cefnogi uwch arweinwyr yn y meysydd hynny.

Datblygodd Ashley y tai SMART byw â chymorth cyntaf ar gyfer oedolion ag anableddau dysgu yn y DU. Mae'n rhedeg Tech4good Cardiff, cymuned sydd â diddordeb mewn technoleg ar gyfer effaith gymdeithasol gadarnhaol. Mae ganddo brofiad o ddarparu cefnogaeth i oedolion ag anableddau ac mae'n angerddol am gynhwysiant digidol.

Mae Sam yn Ymgynghorydd Rhaglen Ddigidol gyda Cwmpas. Ym maes SaaS (software as a service/meddalwedd fel gwasanaeth) mae ei chefndir, yn gweithio gyda phob math o sectorau, yn fwy diweddar, rheoli prosiectau digidol llywodraeth leol. Y maes sy'n mynd â bryd Sam yw sgiliau digidol a chynhwysiant ac mae wedi dod o hyd i sawl ffordd o weithio yn y meysydd hyn. Yn ddiweddar, cafodd Sam secondiad fel Swyddog Llythrennedd y Cyfryngau yn gweithio ar brosiect ymchwil yn ymwneud â llythrennedd yn y cyfryngau.

Mae Myra yn Brif Swyddog Gweithredol ar y cyd â Harriet, yn arwain CDPS.

Mae Myra, ynghyd â Harriet, yn cysylltu ag arweinwyr cyhoeddus yng Nghymru i greu partneriaethau, sydd wedyn yn ein galluogi i weithio gyda’n gilydd, i wella gwasanaethau digidol i bobl ledled Cymru.

Mae Sharon Gilburd yn strategydd digidol sydd wedi gweithio gyda busnesau sefydledig a busnesau newydd i drawsnewid eu ffyrdd o weithio, trwy gymhwyso dylunio a thechnoleg ddigidol. Ar ôl treulio bron i ddau ddegawd yn gweithio ym maes marchnata, newid ac arloesi, mae Sharon yn gwybod pa mor bwysig yw hi i wneud y dewisiadau technoleg cywir i redeg gwasanaethau hanfodol.

Mae Harriet yn gyd-Brif Swyddog Gweithredol gyda Myra, yn gweithio i alluogi ein cefnogaeth i Strategaeth Ddigidol Cymru.

Gyda Myra, mae Harriet yn atebol am CDPS sy’n bodloni ei ganlyniadau cytuniedig a’r defnydd gorau o’n hadnoddau, gan sicrhau ein bod yn deall ac yn cyflawni ar gyfer ein defnyddwyr, a’n bod yn cael y gefnogaeth sydd ei hangen arnom ar lefelau uwch.