Cymryd rhan mewn ymchwil i wella gwasanaethau yn y sector cyhoeddus
Mae angen eich help ar y Ganolfan Gwasanaethau Cyhoeddus Digidol (CDPS) i wella gwefannau a gwasanaethau sefydliadau yn sector cyhoeddus Cymru.
Rydym yn helpu i ddylunio gwasanaethau trwy gynnal ymchwil gyda'r bobl sy'n eu defnyddio, i sicrhau eu bod yn hygyrch ac yn gynhwysol i bawb.
I wneud hyn, rydym yn chwilio am bobl i ymuno â'n panel ymchwil.
Beth sydd ei angen
I gofrestru ar gyfer y panel ymchwil, mae'n rhaid i chi:
• fod yn 18 oed neu'n hŷn
• yn byw, yn gweithio neu'n defnyddio gwasanaethau cyhoeddus yn rheolaidd yng Nghymru
• yn barod i’n helpu ni gydag ymchwil
Beth i’w ddisgwyl
Efallai y byddwn yn gofyn i chi:
• gymryd rhan mewn cyfweliad
• dangos i ni sut rydych chi'n defnyddio rhan benodol o wefan
• profi a rhoi adborth ar ddyluniad neu syniad newydd
Mae ein panel ymchwil yn caniatáu i ni gysylltu â phobl yn gyflym ac yn hawdd ar gyfer astudiaethau ymchwil ac yn caniatáu i chi ddweud eich dweud ar sut caiff gwasanaethau cyhoeddus eu cynllunio yng Nghymru.
