Gwella Gwasanaethau Cynllunio yng Nghymru

Er mwyn cyflawni newid ystyrlon, roedd angen i ni:

• Ddatblygu dealltwriaeth o’r prosesau cynllunio cyfredol
• Ymgysylltu â’r rhanddeiliaid cywir ar bob lefel
• Nodi meysydd critigol lle byddai gwelliannau yn cael yr effaith fwyaf

Yn ystod ein cyfnod Darganfod, fe wnaethom archwilio’r system gynllunio i nodi heriau a chyfleodd. Fe wnaethom siarad ag ymgeiswyr, swyddogion cynllunio, a rhanddeliaid eraill i ddeall eu profiadau, eu rhwystredigaethau a’u hanghenion. 

Datgelodd yr ymchwil hon sawl her allweddol: 

• Prosesau cymhleth sy’n anodd i ddefnyddwyr eu llywio 

• Dulliau anghyson ar draws gwahanol awdurdodau lleol 

• Cyfyngiadau adnoddau sy’n effeithio ar ddarparu gwasanaeth 

• Systemau technoleg sydd wedi dyddio sy’n cyfyngu effeithlonrwydd 

• Bylchau cyfathrebu rhwng adrannau cynllunio a defnyddwyr  

Helpodd ein canfyddiadau i ddatblygu argymhellion wedi’u targedu i fynd i’r afael â’r materion hyn a chreu sylfaen ar gyfer gwelliant. 

Gan adeiladu ar ein mewnweliadau Darganfod, culhaodd ein cam Alpha ein ffocws i’r broses cyn-ymgeisio- cam cynnar hanfodol sy’n gosod y sylfaen ar gyfer ceisiadau cynllunio llwyddiannus.  

Gan weithio mewn partneriaeth gyda Chynghorau Caerdydd, Bro Morgannwg a Gwynedd rydym wedi: 

• Mapio taith cyn-ymgeisio cyflawn o wahanol safbwyntiau 

• Cynnal cyfweliadau manwl gyda swyddogion cynllunio ac ymgeiswyr 

• Nodi pwyntiau pryder cyffredin a rhwystrau at lwyddo 

• Datblygu a phrofi atebion prototeip gyda defnyddwyr go iawn 

Mae’r dull cydweithredol hwn yn ein helpu i ddylunio gwelliannau ymarferol sy’n mynd i’r afael ag aghenion gwirioneddol ac y gellir eu gweithredu ar draws awdurdodau cynllunio Cymru. 

Rydym Bellach yn mireinio ein prototeipiau yn seiliedig ar adborth defnyddwyr a byddwn yn parhau â’n hymgysylltiad agos ag awdurdodau lleol ledled Cymru.

Ein nod yw creu atebion y gellir eu rhannu ledled Cymru, gan helpu i adeiladu system gynllunio fwy hygyrch, effeithlon a syml i'w defnyddio ac mae ein hadnoddau prosiect a’n prototeip ar gael i bawb.