Mae Joanna’n gweithio’n agos ar draws pob prosiect a gwasanaeth i sicrhau bod defnyddwyr wrth wraidd dylunio a gwneud penderfyniadau.

Mae Jo yn cefnogi sector cyhoeddus Cymru i gysylltu â’r bobl sy’n defnyddio eu gwasanaethau i sicrhau bod gwasanaethau’n diwallau anghenion defnyddwyr ac anghenion y busnes.

Peter sy’n arwain y gwasanaeth dysgu sgiliau digidol i feithrin sgiliau trawsnewid digidol a hyder staff mewn rolau presennol a chefnogi’r rhai sydd am symud i wasanaethau cyhoeddus digidol Cymru.

Mae Edwina yn arwain y tîm cyfathrebu sy’n gweithio ar draws ein holl dimau gwasanaeth gan gynnwys safonau, hyfforddiant, digwyddiadau a darpariaeth yn ogystal a’n gweithrediadau mewnol.

Mae tîm Edwina yma i gefnogi’r sector cyhoeddus yng Nghymru i weithio yn agored, i adrodd y stori am fanteision gweithio mewn ffordd Ystwyth, a’u helpu i wneud cysylltiadau buddiol i'r ddwy ochr drwy ein digwyddiadau a’n cymunedau.

Mae Ben yn beiriannydd meddalwedd ac entrepreneur. Mae'n gyd-sylfaenydd Haplo, platfform ar gyfer darparu gwasanaethau digidol yn gyflym. Arweiniodd dîm technoleg a'i defnyddiodd i drawsnewid gweinyddiaeth ymchwil mewn prifysgolion ledled y byd. Ei ddiddordebau proffesiynol yw trawsnewid digidol, diogelwch gwybodaeth ac amrywiaeth a chynhwysiant o fewn y diwydiant dechnolegol.

Andrea yw Cyfarwyddwr Newid Digidol a Busnes Linc Cymru. Mae ei phrofiad yn y sector tai yn cynnwys cynllunio strategol, datblygu busnes a dylunio gwasanaethau. Mae Andrea yn eiriolwr dros wasanaethau digidol i gefnogi cyfle cyfartal yng Nghymru a llwyddiant economaidd y genedl.

John-Mark (a elwir yn JM) yw Pennaeth Trawsnewid y BBC, gyda chefndir yn y Gwasanaeth Sifil, gan gynnwys rolau cyflawni a thrawsnewid gweithredol ar raddfa fawr yn Nhŷ'r Cwmnïau a'r Adran Gwaith a Phensiynau.

Yorath yw Dirprwy Gyfarwyddwr, Pobl Ddigidol, Strategaeth a Gwasanaethau Corfforaethol yn Llywodraeth yr Alban. Mae'n arwain ar ddatblygu'r proffesiwn digidol, data a thechnoleg, yn ogystal â mentrau ar gyfer adeiladu sgiliau digidol a chynyddu amrywiaeth ar draws sector cyhoeddus yr Alban. Mae hefyd yn Gyfarwyddwr Rhaglen Academi Ddigidol yr Alban, gan ddarparu hyfforddiant i staff y sector cyhoeddus yn yr Alban.

Jenni Taylor yw perchennog gwasanaeth cyhoeddi yn y Swyddfa Ystadegau Gwladol. Cyn ymuno â'r Gwasanaeth Sifil, bu'n gweithio mewn timau digidol addysg uwch, gan arwain tîm o ddylunwyr cynnwys ym Mhrifysgol Caerdydd. Mae ganddi brofiad helaeth mewn dylunio cynnwys a chyhoeddi digidol.

Mae Chris yn brofiadol o ran darparu gwasanaethau cyhoeddus digidol ar lefel leol a chenedlaethol. Ar ôl treulio 14 mlynedd yn datblygu gwasanaethau digidol yng Nghyngor Bwrdeistref Sirol Castell-nedd Port Talbot, ymunodd Chris â Llywodraeth Cymru i arwain cyflwyno Hwb, platfform dysgu digidol i Gymru. Yn 2021, ailymunodd Chris â Chyngor Bwrdeistref Sirol Castell-nedd Port Talbot fel Prif Swyddog Digidol, lle mae'n hyrwyddo'r defnydd arloesol ddigidol, data a thechnoleg i drawsnewid profiad y cyhoedd a defnyddwyr y staff.