Dylunio cynnwys y gall pobl ei ddeall

Mae'r rhan fwyaf o bobl yn cael profiad o'ch gwasanaeth trwy gynnwys ysgrifenedig: ar sgrin, ffurflen, mewn e-bost neu yn y post.  

Os yw'ch cynnwys yn anodd ei ddeall ac i weithredu arno, bydd eich gwasanaeth yn anodd ei ddefnyddio. 

Mae pobl yn darllen yn wahanol ar-lein nag ar bapur. Mae defnyddwyr yn aml yn sganio i ddod o hyd i'r wybodaeth sydd ei hangen arnynt yn hytrach na darllen yr holl gynnwys.  
 
Mae cynnwys sydd wedi'i ddylunio'n dda yn ymwneud ag anghenion defnyddwyr (LLYW.CYMRU) ac mae'n helpu pobl: 

• i ddeall beth yw eich gwasanaeth 
• i ddeall a yw ar eu cyfer hwy 
• gwneud yr hyn sydd angen iddyn nhw ei wneud 

Dysgu am anghenion defnyddwyr wrth ddylunio cynnwys. 

Dyma yw cynnwys da: 

• mae'n hygyrch 
• wedi'i ysgrifennu ar gyfer defnyddwyr, nid ar gyfer y sefydliad 
• wedi'i brofi gyda defnyddwyr 
• yn seiliedig ar dystiolaeth, nid rhagdybiaethau 
• mae'n glir, yn gyson a chynhwysol yn y Gymraeg a'r Saesneg 

Mae hyn yn creu ymddiriedaeth, yn rheoli disgwyliadau ac yn lleihau cwynion a chyswllt y gellir ei osgoi. 

Dysgu mwy am ffyrdd o wella'ch cynnwys. 

Yng Nghymru, mae'n rhaid i wasanaethau a chynnwys weithio yr un mor dda yn y Gymraeg a'r Saesneg. 

Mae ystyried y ddwy iaith o'r dechrau yn golygu bod cynnwys yn gyson ac yn gliriach yn y ddwy iaith.  

Dysgu mwy am ddylunio gwasanaethau cyhoeddus dwyieithog. 

Dyma rai pethau y gallwch eu gwneud:

• cynllunio ar gyfer cynnwys dwyieithog yn gynnar 
• ei brofi gyda defnyddwyr Cymraeg 
• dylunio teithiau a rhyngwynebau sy'n cefnogi'r ddwy iaith yn gyfartal 
• ystyried teithiau dwyieithog ar draws pob sianel 
• defnyddio ysgrifennu triawd i gyd-ddatblygu cynnwys yn y ddwy iaith 
• ysgrifennu'n glir yn y ddwy iaith i gefnogi gwell cyfieithu 

Gweler pecyn cymorth technoleg ddwyieithog Llywodraeth Cymru am brofiad da i'r defnyddiwr.

Mae iaith glir yn helpu defnyddwyr i ddeall yr wybodaeth yn well. Mae'n gwneud y cynnwys yn fwy cynhwysol a hygyrch.  

I ysgrifennu'n glir: 

• defnyddio geiriau cyffredin 
• osgoi jargon neu iaith fewnol 
• defnyddio penawdau a phwyntiau bwled 
• rhannu testun hir yn rhannau 
• defnyddio brawddegau byr 

Dylech hefyd ysgrifennu teitlau tudalennau clir (LLYW.CYMRU). 

Mae hyn yn helpu defnyddwyr i ddod o hyd i wybodaeth a'i deall, ac yn gwneud cynnwys yn haws i'w gyfieithu a'i gynnal.  

Gweithio gydag eraill i ddylunio cynnwys gwell, fel arbenigwyr pwnc, cyfieithwyr a staff rheng flaen. Dyma rai pethau y gallwch roi cynnig arnynt: 

• didoli cardiau er mwyn deall sut mae defnyddwyr yn grwpio cynnwys 
• ysgrifennu mewn pâr gydag arbenigwr pwnc 
• Ysgrifennu triawd gydag arbenigwr pwnc a chyfieithydd 
• cynnal crits o'r cynnwys i adolygu a gwella drafftiau 

Mae cydweithredu yn dod â gwahanol safbwyntiau ac yn eich helpu i: 

• nodi unrhyw fylchau 
• osgoi camgymeriadau ac anghysondebau 
• sicrhau bod yr wybodaeth yn gywir ac yn hawdd ei defnyddio  
• defnyddio iaith sy'n gwneud synnwyr i ddefnyddwyr 

Darllen rhagor am weithio gyda rhanddeiliaid. 

Mae profi cynnwys yn helpu i ddeall a yw'ch cynnwys yn gweithio ac yn bodloni anghenion defnyddwyr. Gan ddibynnu ar yr hyn rydych chi'n ei brofi: 

• cael profiad o bobl yn defnyddio prototeip 
• gofyn iddyn nhw feddwl yn uchel 
• nodi pryd mae rhwystr y codi neu mae'r broses yn ddryslyd 
• gofyn cwestiynau agored fel “Beth yn eich barn chi yw bwriad hyn?” 
• ei brofi gyda defnyddwyr Cymraeg 

Dyma rai technegau y gallwch roi cynnig arnynt: 

• Dilyn trywydd 
• Amlygu 
• Profion A/B 
• Profi defnyddioldeb 
• Profion Dewin Gwlad yr Os

Dysgu mwy am ymchwilio i'ch defnyddwyr a phrofi'ch gwasanaeth.  

Dyma adnoddau sydd ar gael yn Gymraeg:

• Pecyn cymorth cynnwys Prydau Ysgol am Ddim 
• Pecyn cymorth ar gyfer Grant Hanfodion Ysgol 
• Gwella dyluniad cynnwys mewn llywodraeth leol
• Blwyddyn newydd, agwedd newydd at gynnwys dwyieithog  
• Dylunio gwasanaethau sy'n hyrwyddo'r Gymraeg 
• Ymchwilio i'ch defnyddwyr a phrofi'ch gwasanaeth  
• Canllaw arddull Llywodraeth Cymru (LLYW.CYM) 
• Yr Arddulliadur (LLYW.CYM)

Dyma adnoddau allanol sydd ddim ond ar gael yn Saesneg:

• Content guide (NHS)
• Writing for user interfaces (GOV.UK)
• Guest Post: Clarity is king - the evidence that reveals the desperate need to re-think the way we write (GOV.UK)
• Publishing accessible documents (GOV.UK)
• WCAG accessibility standards for inclusive design (w3c)