Cynnwys

Trosolwg

Cyn gwella gwasanaeth neu greu un newydd, mae'n rhaid cymryd amser i ddeall sut mae'n gweithio heddiw. Bydd hyn yn eich helpu i ddeall: 

  • beth sy'n llwyddo 
  • beth sydd ddim yn llwyddo 
  • lle mae defnyddwyr yn syrthio rhwng y craciau

Dysgu mwy am ymchwilio i'ch defnyddwyr a phrofi eich gwasanaeth.

Mae'r rhan fwyaf o wasanaethau cyhoeddus yn cynnwys llawer o bobl, systemau a phrosesau. Edrychwch ar y darlun llawn i gynllunio'n well, osgoi unrhyw beth annisgwyl a nodi dibyniaethau, gan gynnwys timau, gwasanaethau, polisïau a thechnoleg eraill. 

Mae mapio eich gwasanaeth yn eich helpu i: 

  • deall y profiad o safbwynt y defnyddiwr 
  • gweithio ar draws timau, polisïau a sianeli 
  • nodi ble mae'r problemau, bylchau a chyfleoedd 
  • adeiladu cyd-ddealltwriaeth a chyfeiriad clir 

Mae barn a rennir yn helpu timau i gydnabod seilos, dyblygu ac aneffeithlonrwydd. 

Dysgu mwy am ddylunio gwasanaethau. 

Pecynnau cymorth y gallwch roi cynnig arnynt

Mae gwahanol offer y gallwch geisio i’ch helpu i archwilio'ch gwasanaethau: 

  • map taith y defnyddiwr sy’n dangos pob cam o safbwynt y defnyddiwr 
  • glasbrint gwasanaeth i ychwanegu yr hyn sy'n digwydd y tu ôl i'r llenni 
  • mapiau empathi sy’n nodi'r hyn y mae defnyddwyr yn ei deimlo, yn meddwl ac yn ei wneud 
  • mapiau proses sy’n dangos llifoedd gwaith mewnol
  • personas sy’n crynhoi gwahanol fathau o ddefnyddwyr a'u hanghenion 

Nid oes angen i chi ddefnyddio pob un ohonynt. Dewiswch yr offer sy'n helpu'ch tîm i adeiladu dealltwriaeth a rennir. 

Gweler mathau eraill o becynnau cymorth i ddylunio gwasanaethau.  

Gwaith ar draws ffiniau ac ieithoedd

Mae cynllunio'n gynnar yn helpu'ch tîm i weithio'n well ac yn rhoi gwell gwasanaeth i ddefnyddwyr a staff. Mapio'r hyn sy'n digwydd ar draws: 

  • sianeli digidol, ffôn, wyneb yn wyneb ac ar bapur 
  • polisi, cyflawni a gweithrediadau 
  • gwahanol sefydliadau a phartneriaid 
  • ieithoedd 

Gall hyn eich helpu i ddylunio gwasanaethau cydgysylltiedig sy'n adlewyrchu'r profiad y mae pobl yn ei gael mewn gwirionedd o'i defnyddio. 

Ymgorffori dwyieithrwydd yn eich gwaith

Ystyriwch ddwyieithrwydd yn ystod pob cam. Gall hyn gynnwys: 

  • cynnwys siaradwyr Cymraeg, cyfieithwyr neu swyddogion iaith yn gynnar 
  • cyd-ddylunio a phrofi cynnwys gyda chyfieithwyr 
  • dylunio teithiau a deunyddiau dwyieithog 
  • adeiladu dyluniad dwyieithog mewn llinellau amser ac adnoddau

Rhoi dwyieithrwydd yn sylfaen o'r dechrau ar draws cynnwys, teithiau, timau ac offer i ddylunio gwasanaethau dwyieithog sy'n canolbwyntio ar y defnyddiwr sy'n gweithio'n gyfartal yn y Gymraeg a'r Saesneg. 

Gweithio yn gydweithredol

Mae mapio yn gweithio orau pan fydd yn gydweithredol. Mae'n helpu i adeiladu dealltwriaeth a rennir ac uno pobl.  

Nodwch pwy sydd angen i chi eu cynnwys yn eich gwaith a'ch gweithgareddau dylunio, gan gynnwys pobl: 

  • sy'n cyflawni ar y rheng flaen 
  • maes polisi neu faes cyfreithiol 
  • technoleg neu ddata 

Dewch â phobl ynghyd a braslunio pethau, ar-lein neu wyneb yn wyneb. Cadwch ef yn anffurfiol, yn fywiog ac yn greadigol.

Darllenwch am weithio gyda rhanddeiliaid. 

Cynnwys cysylltiedig

Dyma adnoddau allanol sydd ddim ond ar gael yn Saesneg: