Nodau'r prosiect
Roedden ni'n gweithio gydag awdurdodau lleol a Llywodraeth Cymru i:
- ddysgu sut y gallwn gydweithio a rhannu cynnwys i ddiwallu anghenion defnyddwyr a gwella'r gwasanaethau sy’n cael eu darparu
- deall ffyrdd o wella cynnwys Cymraeg a gwerth cynnwys dwyieithog gwell
Y broblem i'w datrys
Mae’r Grant Hanfodion Ysgol yn grant gan Lywodraeth Cymru i helpu teuluoedd incwm isel sydd â phlant i dalu am hanfodion ysgol.
Awdurdodau lleol sy’n gyfrifol am weinyddu’r grant ledled Cymru, ac maent yn cynhyrchu’r cynnwys eu hunain.
Roedd hyn yn golygu bod 22 darn o gynnwys tebyg wedi cael ei ddatblygu, gyda'r awdurdodau lleol yn cario baich costau dyblygu gwaith.
Dangosodd ymchwil cychwynnol nad oedd pawb sy’n gymwys yn hawlio’r grant oherwydd diffyg ymwybyddiaeth a gwybodaeth.
I'r defnyddwyr, roedd y cynnwys yn:
- anhygyrch
- llethol
- dryslyd
Nid oedd defnyddwyr yn siŵr a oeddent yn gymwys ac o ganlyniad byddant yn rhoi gorau i’r broses o wneud cais neu yn gorfod cysylltu gyda’r cyngor neu wasanaethau eraill am help.
Nid oedd y cynnwys yn ddealladwy i siaradwyr Cymraeg bob amser ac o ganlyniad byddant yn defnyddio’r Saesneg.
Partneriaid
Buom yn gweithio gyda:
- Llywodraeth Cymru
- Cymdeithas Llywodraeth Leol Cymru
- Sefydliad Bevan
- Swyddfa Ystadegau Gwladol
Cawsom hefyd gefnogaeth:
- Tîm Polisi Llywodraeth Cymru
- Cyfoeth Naturiol Cymru
Ar ein tîm cyflawni roedd:
- Adrián Ortega, Dylunydd Cynnwys
- Ceri Williams, Cyfieithydd (Ateb)
- Liam Collins, Dylunydd Rhyngweithio
- Jemima Monteith-Thomas, Rheolwr Cyflawni
- Tom Brame, Ymchwilydd Defnyddwyr
Crynhoi'r gwaith
Bu cynrychiolwyr o Lywodraeth Cymru, awdurdodau lleol a defnyddwyr yn rhan o gyfres o weithdai, ymgynghoriadau a'r broses brofi.
Bu’r criw yn gweithio o bell gan gyfarfod yn rheolaidd am 30 munud bob dydd Llun a dydd Gwener.
Darllenwch Becyn cynnwys y Grant Hanfodion Ysgol i awdurdodau lleol i ddysgu am y technegau a ddefnyddion ni a'r templedi y medrwch eu defnyddio.
