Technoleg Sero Net adroddiad darganfod

Bu Technoleg Sero Net, sef prosiect darganfod a gynhaliwyd dros gyfnod o 12 wythnos, yn archwilio sut y gall digidol gefnogi nodau Sero Net Cymru ar gyfer yr hinsawdd.

Bu’r Ganolfan Gwasanaethau Cyhoeddus Digidol (CDPS) yn gweithio ar y prosiect ag ymgynghorwyr digidol Perago a’r tîm arloesedd carbon isel a digidol yn M-SParc.

Nod y prosiect darganfod oedd archwilio sut y gallai’r sector cyhoeddus yng Nghymru:

• helpu i leihau allyriadau carbon yng Nghymru drwy ddigidol 
• adnabod cyfleoedd i gefnogi nodau ehangach ar gyfer gwasanaethau cyhoeddus gwell yng Nghymru

Wrth ‘digidol’ yn y prosiect hwn, rydym yn defnyddio diffiniad Tom Loosemore (Public Digital): 

“Defnyddio diwylliant, prosesau, modelau busnes a thechnolegau oes y rhyngrwyd i ymateb i ddisgwyliadau uwch sydd gan bobl.”

Ac wrth ‘sero net’, rydym yn golygu, “Cael cydbwysedd rhwng yr allyriadau carbon sy’n cael eu rhoi i mewn i’r atmosffer a’r rhai sy’n cael eu tynnu allan.”