Sylfeini Ystwyth ar gyfer timau

Yn y fideo hwn, byddwn yn cyflwyno'r fframwaith cyflawni Ystwyth, Sgrym. Byddwn yn archwilio: 

• ei wreiddiau 
• sut mae'n gweithio 
• a'i gymhwyso i ddarparu gwasanaethau sector cyhoeddus.  

Mae gan Sgrym dri cholofn: tryloywder, arolygu ac addasu. Mae'r rhain yn cefnogi'r syniad o weithio mewn iteriadau. Mae'n annog timau i weithio trwy arbrofi. Mae hyn yn eu galluogi i ddysgu, yna addasu. Mae hyn yn cynnwys beth maen nhw'n ei wneud a sut maen nhw'n ei wneud. Dechreuodd yn natblygiad meddalwedd cyfrifiadurol yn gynnar yn y 1990au. Daeth i'r amlwg fel ymateb i heriau rheoli prosiectau traddodiadol. Ers hynny, mae llawer o ddiwydiannau eraill wedi cymhwyso Sgrym gyda llwyddiant mawr.  

Gadewch i ni edrych ar y cyfansoddiad tîm Sgrym nodweddiadol. Mae tair prif rôl: 

• Perchennog Cynnyrch sy'n atebol am wneud y mwyaf o werth y cynnyrch neu'r gwasanaeth 
• Meistr Sgrym sy'n atebol am sicrhau bod y tîm yn llwyddo 
• y Tîm Cynnyrch, sy'n dylunio ac yn creu'r nodweddion ar gyfer y cynnyrch neu'r gwasanaeth 

Byddwn yn edrych ar y rolau hyn yn fanylach yn ddiweddarach yn y cwrs. 

Mae tîm Sgrym fel arfer yn cynnwys dim mwy na 10 o bobl. Mae hyn yn ddigon bach i aros yn ystwyth, ond yn ddigon mawr i gwblhau gwaith sylweddol. Nid oes is-dimau na hierarchaethau. Yn hytrach, maen nhw i gyd yn canolbwyntio ar weithio tuag at un Nod Cynnyrch. Maent yn dîm amlddisgyblaethol, sy'n dod â phobl o wahanol setiau sgiliau at ei gilydd. Mae hyn yn dibynnu ar y sgiliau sydd eu hangen arnynt i gyflawni eu nod. Maen nhw hefyd yn hunan-drefnu. Mae hyn yn golygu eu bod yn penderfynu ymhlith ei gilydd, pwy sy'n gwneud beth, pryd, a sut. 

Bydd tîm Sgrym yn creu ôl-groniad Cynnyrch. Dyma restr o'r nodweddion sydd eu hangen ar y cynnyrch neu'r gwasanaeth, wedi'u trefnu mewn trefn neu flaenoriaeth.  

I ddylunio a datblygu'r rhain, mae'r tîm yn gweithio mewn iteriadau bocs amser o'r enw "sbrintiau". Mae'r rhain fel arfer rhwng un a phedair wythnos o hyd. Mae hyn yn caniatáu i dimau archwilio ac addasu eu gwaith yn rheolaidd. Mae hyn yn eu galluogi i addasu eu cynlluniau yn seiliedig ar yr hyn maen nhw'n ei ddysgu. 

Ar ddechrau pob sbrint, bydd y tîm yn cynllunio eu gwaith. 

I wneud hyn, maen nhw'n creu ôl-groniad Sbrint. Maent yn dewis y nodweddion blaenoriaeth uchaf o'r ôl-groniad cynnyrch. Byddant yn anelu at gwblhau'r rhain yn ystod y sbrint. 

Ond beth os daw syniad am nodwedd newydd yn ystod y sbrint? Mae'n cael ei ychwanegu at yr ôl-groniad cynnyrch a'i flaenoriaethu. Mae hyn yn golygu mai'r cynharaf y gall y tîm ddechrau gweithio arno, yw'r cylch Sbrint nesaf, os yw'n flaenoriaeth uchel. 

Er mwyn cadw popeth ar y trywydd iawn, mae gan bob Sbrint gyfres o ddigwyddiadau neu gyfarfodydd. Mae'r rhain yn cynnwys Cynllunio Sbrint, Sgrym Dyddiol, Adolygiadau Sbrint, ac ôl-weithredol. Mae pob un yn gwasanaethu pwrpas penodol. Mae'r rhain yn annog cyfathrebu agored, tryloywder, a gwelliant parhaus. Yn ddiweddarach yn y cwrs, byddwn yn edrych ar bob un o'r rhain yn fanylach. Byddwn yn canolbwyntio ar eu pwrpas ac yn rhoi awgrymiadau ymarferol i chi i ddechrau gyda nhw. 

Erbyn diwedd y sbrint, dylai'r tîm fod wedi cwblhau'r holl eitemau yn ôl-groniad y cynnyrch. Mae'r nodweddion hyn bellach ar gael i ddefnyddwyr. Mae'r cylch wedyn yn cael ei ailadrodd. 

Felly, efallai y byddwch chi'n meddwl, sut mae hyn yn berthnasol i ddarparu gwasanaethau sector cyhoeddus? Wel, nid yn unig mae Sgrym yn cael ei ddefnyddio mewn datblygu meddalwedd. Mae llawer o ddiwydiannau eraill wedi mabwysiadu'r dull hwn i ddatblygu gwasanaethau a chynhyrchion. Mae hyn yn cynnwys gwasanaethau sectorau cyhoeddus. 

Mae Sgrym yn gweithio'n dda pan fyddwch chi'n disgwyl i ofynion esblygu neu newid. Dyma lle mae dull hyblyg, ailadroddol yn fuddiol. Mae'n arbennig o effeithiol mewn sefyllfaoedd lle mae angen i dimau archwilio ac addasu'n aml. Mae'r dull hwn yn ddefnyddiol pan: 

• gallwch ddarparu eitemau bach o werth 
• gallwch ychwanegu cynyddiadau lle bo hynny'n bosibl 
• mae eich gofynion cynnyrch mewn cyflwr da 
• mae gennych fap ffordd clir 

Os ydych chi'n gweithio mewn amgylchedd pan fydd newidiadau'n digwydd yn gyflym, gall hyn fod yn her. Mae hyn oherwydd bod y tîm yn ychwanegu syniadau newydd at yr ôl-groniad cynnyrch. Y cynharaf y gallent weithio ar y rhain yw'r sbrint nesaf. Er y gall timau liniaru hyn i ryw raddau, trwy weithio mewn cylchoedd sbrint byrrach. 

I grynhoi, mae Sgrym yn fframwaith Ystwyth strwythuredig. Mae timau'n gweithio mewn sbrintiau bocs amser, gyda digwyddiadau wedi'u hadeiladu i'w cadw ar y trywydd iawn. Mae'n ddull sy'n annog cydweithredu, addasau a gwelliant parhaus.