Mewn cyfarfod cymunedol Ymchwil Defnyddwyr yng Nghymru yn ddiweddar, buom yn trafod y rhwystrau y mae ymchwilwyr a dylunwyr yng Nghymru yn eu hwynebu o ran cynnal ymchwil defnyddwyr gyda siaradwyr Cymraeg. 

Erbyn diwedd y cyfarfod hwnnw, roedd yn amlwg bod rhai o'r rhwystrau a grybwyllwyd yn fwy canfyddedig na ffeithiol, a gadawodd rhai aelodau'r gymuned y cyfarfod hwnnw gyda brwdfrydedd ac ymrwymiad o'r newydd i geisio cynnal mwy o ymchwil i ddefnyddwyr gyda siaradwyr Cymraeg.  

Roeddem yn meddwl y byddem yn rhannu rhai o'r rhwystrau canfyddedig hyn gyda chi ac yn dangos sut efallai na fyddant yn rhwystr wedi'r cyfan. Gobeithiwn y bydd hyn yn eich annog i ystyried sut y gallech wneud mwy i ymgysylltu â defnyddwyr gwasanaethau Cymraeg eu hiaith i sicrhau bod gwasanaethau cyhoeddus yng Nghymru yn diwallu eu hanghenion hefyd. 

Mae'n rhaid i chi siarad Cymraeg yn rhugl er mwyn gallu gwneud ymchwil gyda siaradwyr Cymraeg. 

Ddim yn wir. Yn amlwg, mae hyn yn fantais, ond mae yna ffyrdd a dulliau bob amser i ymchwilio'n ystyrlon gyda siaradwyr Cymraeg, hyd yn oed os nad ydych chi'n rhugl eich hun. 

Yn dibynnu ar eich gallu iaith Gymraeg, mae gwahanol ffyrdd o gynnal ymchwil a fydd yn gweithio i chi a'r cyfranogwr. Gallai hyn fod gyda chefnogaeth cyfieithydd, gan ddefnyddio 'Wenglish', ac ati... 

Yn y tîm ymchwil defnyddwyr yn CDPS, mae gennym ddywediad - "Mae rhywfaint o ymchwil yn well na dim ymchwil." 

Mae gan siaradwyr Cymraeg ddisgwyliadau uchel o'r iaith a byddant yn cael eu digio os nad yw Cymraeg ymchwilydd yn cyrraedd y safon. 

Ddim yn wir. Bydd mwyafrif helaeth y cyfranogwyr sy'n siarad Cymraeg yn gwerthfawrogi unrhyw ymdrech a wnewch i ddiwallu eu hanghenion iaith ac yn hapus i gyfrannu at ymchwil ystyrlon, hyd yn oed os na allwch gynnig profiad Cymraeg 'perffaith'. 

Cyn belled â'ch bod yn rheoli eu disgwyliadau ymlaen llaw, fe welwch fod y rhan fwyaf o gyfranogwyr yn agored i gyfaddawdu. 

Mae'n amhosib recriwtio cyfranogwyr sy'n siarad Cymraeg ar gyfer ymchwil. 

Ddim yn wir. Er y gall fod yn anodd pan nad oes gennych fynediad at rwydweithiau Cymraeg, mae rhwydweithiau'n bodoli. Gallwch geisio cysylltu â: 

Mae’n iawn cyfieithu'r Saesneg i'r Gymraeg? 

Ddim yn wir. Yn aml, nid oes cyd-destun i gyfieithiadau Cymraeg, gellir eu hysgrifennu mewn iaith ffurfiol neu academaidd iawn a gallant gynnwys rhai tafodiaith ranbarthol, yn enwedig pan gyfieithir cynnwys Saesneg yn ddiweddarach.  

Mae ysgrifennu triawd yn dechneg a ddatblygwyd yn ddiweddar lle mae cynnwys Cymraeg yn cael ei ddatblygu ochr yn ochr â chynnwys Saesneg ac yn arwain at well cynnwys yn y ddwy iaith. 

Mae defnyddwyr gwasanaeth Cymraeg yn amrywio llawer- ac felly hefyd eu hanghenion. Datblygodd CThEM set o bersonas defnyddiwr sy'n dangos hyn yn dda iawn. 

Mae'r Gymraeg yn cael ei thrin yn bwysicach na'r Saesneg yng Nghymru. 

Ddim yn wir. Mae safonau'r Gymraeg yn ei gwneud yn ofynnol i sefydliadau Cymraeg sicrhau nad yw'r Gymraeg yn cael ei thrin yn llai ffafriol na'r Saesneg yng Nghymru. 

Gallwch ddarllen mwy am ymrwymiad y sector cyhoeddus yng Nghymru i'r Gymraeg yn safonau'r Gymraeg a Safonau Gwasanaethau Digidol Cymru. 

Mae'r Gymraeg yn aml yn ôl-ystyriaeth yn y broses o ddylunio gwasanaethau. 

Gwir. Ond gadewch i ni wneud popeth o fewn ein gallu i newid hyn.