Arwain a chefnogi timau ystwyth

Gall timau ystwyth weithio ar eu gorau pan fydd ganddyn nhw eglurder, ymddiriedaeth a'r rhyddid i arbrofi, profi a dysgu. 

Mae arweinwyr yn helpu i sefydlu'r weledigaeth, cael gwared ar rwystrau, a chefnogi penderfyniadau yn seiliedig ar anghenion defnyddwyr. Er mwyn arwain timau ystwyth yn effeithiol, canolbwyntiwch ar: 

• ba wahaniaeth a wnewch (canlyniadau), nid beth a adeiladwch (allbynnau) 
• diffinio’r buddion i ddefnyddwyr a'r sefydliad 
• cadw timau gyda'i gilydd yn ystod y camau cyflawni ystwyth
• cyflawni bob yn dipyn ac yn aml, gan ddangos yr hyn a newidiodd yn sgil adborth 
• annog ffyrdd digidol, ystwyth a modern o weithio 

Dysgu am gynllunio a rheoli cyflawni mewn dull ystwyth 

Sicrhewch fod un perchennog gwasanaeth  wedi'i rymuso ac yn atebol ac yn gyfrifol am y gwasanaeth o'r dechrau i'r diwedd a chanlyniadau'r defnyddwyr, gydag awdurdod i wneud penderfyniadau ynghylch busnes, cynnyrch a thechnoleg. 

Gall gwasanaeth ymestyn ar draws amrywiol gynhyrchion a sianeli. Mae perchnogion y gwasanaethau a'r rheolwyr cynnyrch yn gweithio'n agos gyda'r tîm er mwyn: 

• sicrhau bod pawb yn symud i'r un cyfeiriad o ran gweledigaeth ac amcanion 
• rheoli a blaenoriaethu'r ôl-groniad 
• cael gwared ar rwystrau  
• canolbwyntio ar anghenion y defnyddiwr a’r gwerth

Er mwyn grymuso eich perchnogion gwasanaeth, rheolwyr cynnyrch a'r tîm, dylech: 

• gytuno ar weledigaeth, cenhadaeth ac egwyddorion dylunio clir i’ch helpu i wneud penderfyniadau 
• cadw at drywydd (roadmap) sy'n canolbwyntio ar ganlyniadau a nodau defnyddwyr, nid rhestr o nodweddion y cynnyrch 
• mesur cynnydd drwy ganlyniadau ac adborth, nid cerrig milltir 
• sicrhau bod elfennau craidd y prosiect yn weladwy a'u trafod yn gynnar (cwmpas, amser, pobl) 

Mae rheolwyr cyflawni yn gweithio'n agos gyda'r tîm i ddod â phopeth ynghyd ac i'w galluogi i wneud eu gwaith yn effeithlon ac yn effeithiol.  

Dysgu am feddwl yn nhermau cynnyrch a gwasanaeth, nid fel prosiect 

Mae pobl yn gwneud eu gwaith gorau mewn amgylchedd lle gellir cwestiynu, rhannu syniadau a dysgu o gamgymeriadau. Gallwch arwain drwy esiampl i helpu i adeiladu'r diwylliant hwn trwy: 

• rhannu'r hyn rydych chi'n ei wybod, yr hyn rydych chi'n ei ddysgu a phan fydd pethau'n newid 
• dathlu dysgu a gwella, nid perffeithrwydd 

Creu'r amodau cywir ar gyfer timau 

• cyd-greu normau tîm ar gyfer adborth a gwneud penderfyniadau 
• cytuno a dogfennu diffiniad cyffredin o pryd mae’r gwaith ar ben
• gweithio mewn dull agored felly mae cynnydd a dysgu i'w gweld 
• cael gwared ar rwystrau'n gyflym a neilltuo amser i fyfyrio'n rheolaidd 

Dysgu am ffurfio'r tîm cywir o amgylch y gwasanaeth 

Mae timau ystwyth yn gweithio orau pan fydd pobl â sgiliau a safbwyntiau gwahanol yn rhannu un nod ac yn cydweithio o amgylch. Nodwch yn gynnar pwy sydd angen cydweithio, gyda phwy mae angen ymgynghori a phwy sydd angen clywed am y gwaith. 

Er mwyn cydweithio mewn ffordd ymarferol, mae angen: 

• ffurfio tîm craidd gyda'r rolau a'r sgiliau sydd eu hangen arnoch 
• cynllunio yn gynnar sut i gynnwys cydwithredwyr, megis rhai ym meysydd data, caffael neu’r gyfraith
• cytuno sut i wneud, dogfennu a rhannu penderfyniadau 
• rhoi diweddariadau rheolaidd ar sail tystiolaeth i randdeiliaid 
• Rhoi’r annibyniaeth i dimau brofi syniadau, dysgu ac addasu 

Dysgu am ffurfio'r tîm cywir o amgylch y gwasanaeth 

Mae timau ystwyth iach yn gwella’n gyson ac yn barhaus. Dylech ganolbwyntio ar welliannau graddol (nid dim ond cyflymder y gwaith cyflawni) a chymryd camau gweithredu bach, rheolaidd sy'n helpu pobl i fyfyrio, dysgu a chynnal y brwdfrydedd. 

Er mwyn cadw timau yn iach, dylech: 

• gadw mewn cyswllt yn gyson gyda chyfarfodydd byr
• cynnal adolygiadau i rannu'r hyn sydd wedi newid a'r hyn a ddysgwyd 
• cynnal sesiynau retro neu i wirio lles y tim er mwyn cytuno a gweithredu ar welliannau 
• addasu cynllunio ac arferion yn seiliedig ar adborth a thystiolaeth 

Cynllunio a rheoli darpariaeth mewn ffordd ystwyth

Mae'r enghreifftiau hyn yn dangos sut mae arweinyddiaeth a chydweithio yn helpu timau ystwyth ar draws gwasanaethau cyhoeddus Cymru i sicrhau gwell canlyniadau i ddefnyddwyr. 

Fel perchennog gwasanaeth y cyngor sy'n gweithio mewn gwasanaeth trwsio tai, gallech rymuso eich tîm drwy rannu’r berchnogaeth ac ymddiried ynddyn nhw. I wneud hyn, dylech: 

• gynnwys y tîm yn y broses o greu gweledigaeth ac amcanion y gwasanaeth 
• cynnal sesiynau adlewyrchu byr i fyfyrio a gwella pob sbrint 
• mesur cynnydd trwy fesur y lleihad yn yr amser mae’n cymryd i drwsio tai ac yn y nifer o gwsmeriaid yn cysylltu fwy nac unwaith

Fel rheolwr cynnyrch y bwrdd iechyd, gallech ganolbwyntio ar ganlyniadau drwy: 

• ddisodli rhestrau o nodweddion gyda nodau defnyddwyr fel gwella cyfraddau cwblhau neu leihau galwadau 
• cynnal adolygiad misol gydag arweinwyr i wneud yn siwr fod penderfyniadau’n cael eu gwneud ar sail canlyniadau a gwerth 

Fel tîm polisi a dylunio amlddisgyblaethol, gallech gryfhau cydweithredu drwy: 

• gynnwys cydweithwyr ym maes polisi, dylunio a thechnoleg yn gynnar i brofi prototeipiau gyda’ch gilydd
• rhannu adborth yn gyflym i leihau ailweithio a gwella dealltwriaeth gyffredin

Fel tîm cynnwys Llywodraeth Cymru, gallech adeiladu safonau cyson a diwylliant dysgu drwy: 

• gyd-ysgrifennu diffiniad dwyieithog o pryd mae’r gwaith ar ben gyda gwiriadau hygyrchedd 
• adolygu ansawdd yn rheolaidd i wella hyder a chynnal atebolrwydd

• Ffurfio'r tîm cywir o amgylch y gwasanaeth 
• Gweithio mewn dull agored  
• Cynllunio a rheoli darpariaeth mewn ffordd ystwyth