Cynllun Gweithredol Ebrill 2025 – Mawrth 2026

Fel Corff Hyd Braich LlC, mae CDPS yn ymgymryd â'i weithgareddau yn unol â:  

• (a) ei amcanion fel y'u pennir yn ei Erthyglau Cymdeithasu;  
• yr holl ddeddfau a rheoliadau perthnasol; 
• amodau unrhyw gymeradwyaeth Cymorth Gwladwriaethol berthnasol;  
• y Llythyr Cylch Gwaith; 
• Cynllun Busnes fel y'i cymeradwywyd gan Weinidogion Cymru; 
• Safonau'r Gymraeg Gweinidogion Cymru; a, 
• egwyddorion, rheolau ac arweiniad Rheoli Arian Cyhoeddus Cymru. 

Dros y 12 mis diwethaf, mae ein Bwrdd parhaol o gyfarwyddwyr anweithredol a benodwyd gan Lywodraeth Cymru yn haf 2022, wedi sicrhau bod y busnes yn cael ei lywodraethu'n effeithiol ac yn briodol ac wedi darparu tystiolaeth i'r Adolygiad Cyfaill Beirniadol. 

Mae'r bwrdd cyfarwyddwyr, sydd ar hyn o bryd yn cyfarfod bob deufis i ddarparu lefel briodol o lywodraethu a goruchwylio'r busnes, gan dderbyn adroddiadau ariannol a diweddariadau yn erbyn cyflawni'r Amcanion a'r Canlyniadau Allweddol trwy ei becyn adrodd diwygiedig. Bydd cadoediad cyfarfodydd y bwrdd yn cael ei adolygu dros y flwyddyn i sicrhau bod amser ac ymdrech y bwrdd yn briodol.

Bydd y Pwyllgor Archwilio a Risg, is-grŵp o'r bwrdd, yn parhau i gwrdd bob chwarter. Maent yn craffu ar gyllid ac adroddiadau CDPS, tra hefyd yn ystyried y gofrestr risg a materion corfforaethol i sicrhau bod mesurau lliniaru priodol ar waith i reoli risgiau cyfredol a risgiau posibl yn y dyfodol.

Yn dilyn proses gaffael lwyddiannus arall yn 2024 -25, penodwyd TIAA i barhau i ddarparu ein gwasanaethau archwilio mewnol. Mae'r cynllun archwilio mewnol drafft ar gyfer 2025/2026, y cytunwyd arno gan y Pwyllgor Archwilio a Risg, fel a ganlyn a bydd yn cael ei gynnal yn dilyn canllawiau arfer da, gan adolygu ein polisïau a'n fframweithiau cyfredol, ac adrodd yn ôl i'r Pwyllgor Archwilio a Risg (ARC): 

Cynllun Archwilio Mewnol:

• Seilwaith TGCh
• Rheoli Strategol a Llywodraethu Corfforaethol
• Rheoli Gweithlu
• Caffael
• Rheoli Risg – Rheolau i Liniaru Risg
• Rheolaethau Ariannol Allweddol 

Cymeradwywyd penodiad ein harchwilwyr allanol HSJ gan y Bwrdd ac Ysgrifennydd y Cabinet yn ystod 2024-25 ac yn ystod Ch1 i Ch3 2025-26, byddant yn archwilio'r cyfrifon ariannol a gweithrediadau'r busnes am y cyfnod rhwng 1 Ebrill 2024 a 31 Mawrth 2025. Byddant yn paratoi eu hadroddiad archwilio i'w gymeradwyo gan Fwrdd yr ARC ac i'w gyflwyno i Dŷ'r Cwmnïau ynghyd â set lawn o gyfrifon erbyn 31 Rhagfyr 2025.

Mae gennym set o ddirprwyaethau ariannol sy'n rhoi'r awdurdod i staff a enwir ymrwymo i wariant CDPS trwy weithgaredd caffael. Ni ddylid mynd y tu hwnt i'r awdurdod i ymrwymo i wariant na'i ddirprwyo ymhellach.  Mae dirprwyo ariannol yn seiliedig ar y gwerthoedd trothwy caffael a bennir gan CDPS (gan nodi unrhyw ganllawiau ar ddirprwyo o fewn y Ddogfen Fframwaith). Rhennir y trothwyon yn 4 grŵp a nodir isod: