Mapio cynhwysiant digidol

Dilynodd y prosiect hwn drywydd penodol yn sgil Adolygiad Tirwedd Ddigidol: pa mor hygyrch yw gwasanaethau cyhoeddus digidol i holl drigolion Cymru.

Bwriad y prosiect yma oedd cynhyrchu cyfeiriadur gweithgaredd cynhwysiant digidol ar draws Cymru. Byddai’r cyfeiriadur yn rhoi’r cyfle i ni adnabod gweithgareddau cynhwysiant eraill, a darganfod os ellir eu cydgysylltu.

Datgelodd dadansoddiad daearyddol a demograffig o’r weithgaredd sut mae rhanbarthau Cymreig yn gwahaniaethu o ran y cyfanswm gwariwyd ar gynhwysiant digidol, ac os yr ydynt yn targedu gwahanol grwpiau o bobl.

Bydd trawsnewid digidol yng Nghymru yn golygu bydd rhai pobl yn cael eu gadael ar ôl.

Mae strategaeth ddigidol Cymru yn diffinio cynhwysiant digidol fel “rhoi'r cymhelliant, mynediad, sgiliau a hyder i bobl ymgysylltu â’r byd cynyddol ddigidol, yn seiliedig ar eu hanghenion”.

Yn wir, mae’r nod yma’n rhan o lythyr cylch gwaith y CDPS ac yn ganolog i’r rheswm dros ein bodolaeth.

Prif randdeiliaid:

• Dyfodol Llewyrchus Llywodraeth Cymru
• Bwrdd Rhaglen Cynhwysiant Digidol Llywodraeth Cymru

Bu’r prosiect hefyd gweithio’n agos gyda Chymunedau Digidol Cymru a Chynghrair Cynhwysiant Digidol Cymru.

Comisiynwyd y gwaith hwn gan Swyddfa Prif Swyddog Digidol Llywodraeth Cymru.

Buom yn mapio gweithgareddau cynhwysiant digidol ar draws bob ardal yng Nghymru, gan greu hyd a lled y prosiect:

• band eang
• data
• dyfeisiau
• hygyrchedd, gan gynnwys fforddiadwyedd
• sgiliau digidol sylfaenol
• hyder
• cymhelliant

Yna fe wnaethom greu un cyfeiriadur yn cynnwys gweithgareddau cynhwysiant digidol yng Nghymru o fewn cwmpas y prosiect, dros y 2 flynedd ddiwethaf.

Roedd allbynnau prosiectau eraill yn cynnwys:

• map cynhwysiant digidol, yn dangos nifer y bobl a dargedwyd ar gyfer gweithgareddau cynhwysiant digidol, y gwariant cysylltiedig, ym mhob rhanbarth yng Nghymru
• adroddiad yn ymdrin â methodoleg y prosiect, dadansoddiad o’r data a gasglwyd a chymaryddion rhyngwladol