Helo bawb,
Ym mis Rhagfyr, pan mae'r dyddiau’n fyrrach ac yn oerach, mae rhywbeth hudol o hyd yn digwydd sy’n gwneud cyfnod yma’r flwyddyn yn adeg hyfryd!
Mae'r amser wedi cyrraedd ar gyfer cyfarfod olaf y flwyddyn o’r gymuned Ymchwil Defnyddwyr ac, fel sy’n draddodiadol, ry’n ni’n eich gwahodd i ymuno gyda ni wyneb yn wyneb!
Byddwn yn cwrdd ddydd Iau 11 Rhagfyr 2025 yng Ngholeg Caerdydd a’r Fro. Dewch am 9:30am i gael coffi a sgwrs cyn i ni ddechrau am 10am. Bydd awr egwyl dros ginio am hanner dydd, a byddwn yn cloi am 4pm.
Y prif themâu hoffem eu harchwilio yw adeiladu ar ein cryfderau fel ymchwilwyr defnyddwyr, gwella ein sgiliau, ac adlewyrchu ar ein gwaith dros y flwyddyn.
Pan gwrddon ni wyneb yn wyneb diwethaf fel cymuned ym mis Mehefin, rhannodd un o’n haelodau craidd a sylfaenol, Gruffydd Weston, ei safbwynt ar beth sy’n gwneud digwyddiadau ein cymuned mor arbennig.
Os oes gennych unrhyw awgrymiadau ar gyfer gweithgareddau, themâu neu fyfyrdodau yr hoffech i ni eu cynnwys yn yr agenda, byddem wrth ein bodd yn clywed wrthoch chi! Anfonwch e-bost at andrew.arrowsmith@gwasanaethaucyhoeddusdigidol.llyw.cymru
I gael blas ar yr hyn i’w ddisgwyl, dyma beth wnaethon ni drafod yn gynharach yn yr haf.
Byddwn yn darparu coffi, bisgedi, a chinio bwffe i gadw’r egni fyny. Byddwn yn gwneud ein gorau i gynnig dewis da o fwyd, ond ystyriwch ddod ag ychydig o fyrbrydau neu becyn cinio eich hun hefyd, i sicrhau bod gennych rywbeth I'ch bodloni. Cofiwch nodi unrhyw ofynion dietegol yn y ffurflen gofrestru fel y gallwn eu trosglwyddo i’n darparwr arlwyo.
Mae wedi bod yn flwyddyn wych hyd yma i’n cymuned, ac ry’n ni’n edrych ymlaen at orffen y flwyddyn gyda diwrnod arbennig arall.
Cofrestrwch isod i gadw eich lle fel y gallwn gadarnhau niferoedd a sicrhau ein bod yn diwallu unrhyw anghenion dietegol neu hygyrchedd sydd gennych.
Edrychwn ymlaen at eich gweld chi yno!
Andrew Arrowsmith
Prif Ymchwilydd Defnyddwyr CDPS – Arweinydd y Gymuned