Cofrestrwch ar gyfer Dolenni Digidol: Arweinyddiaeth y tu ôl i’r newid – straeon go iawn o drawsnewid digidol

Yn y Dolenni Digidol hwn, yn Dda Coffi, Caerdydd, rydym yn cymryd agwedd bersonol, dynol-ganolog at arweinyddiaeth ddigidol. Yn hytrach na chanolbwyntio ar bolisi neu bwysau, byddwn yn clywed straeon go iawn gan arweinwyr sydd wrth wraidd trawsnewid gwasanaethau cyhoeddus yng Nghymru. Dyma'r bobl sy'n sicrhau bod newid yn digwydd –yn llywio'r cryfderau a’r gwendidau, a dysgu gwersi ar hyd y ffordd. 

Byddwn yn dod â realiti arwain trawsnewid digidol yn fyw, a chreu lle i fyfyrio, gonestrwydd ac ysbrydoliaeth. 

Bydd cymysgedd o sgyrsiau byr a thrafodaeth anffurfiol gan gynnwys:

• llywio'r heriau personol o arwain newid

• adeiladu diwylliant sy'n cefnogi trawsnewid digidol

• parhau i fod yn greadigol, yn gydweithredol, a chysylltiedig trwy gymhlethdod  

Byddwn yn clywed sgyrsiau gan: 

• Liz Lucas, Cyfarwyddwr Trawsnewid, Digidol a Chaffael, Cyngor Bwrdeistref Sirol Caerffili – ar arwain trwy gymhlethdod a herio'r sefyllfa bresennol
• Rebecca Godfrey, Prif Swyddog Gweithredol dros dro, Awdurdod Refeniw Cymru a Chadeirydd y Bwrdd Safonau Digidol a Data – ar sut i ymgorffori diwylliant Ystwyth a meddylfryd ddigidol
• Matt Lewis, Prif Swyddog Gweithredu, Gwasanaeth Adnoddau a Rennir a Chadeirydd y Grŵp Arweinyddiaeth AI yng Nghymru – ar ailgynllunio radical a pheidio â bod ofn dechrau eto 

Ynglyn a Dolenni Digidol

Mae Dolenni Digidol yn gyfres rhwydweithio cenedlaethol a rhanbarthol ar gyfer uwch arweinwyr gwasanaethau cyhoeddus yng Nghymru, sy’n hyrwyddo dylunio sy’n canolbwyntio ar y defnyddiwr a Safon Gwasanaeth Digidol. Mae digwyddiadau personol fel hyn yn darparu cyfle i arweinywr gysylltu, rhannu mewnweliadau, a thrafod heriau gwasanaeth cyhoeddus drwy drafodaethau agored. Mae’r digwyddiadau hyn yn cael eu cynnal gan CDPS ac yn cael eu cadeirio gan ein huwch dim arwain, ac mae’r digwyddiadau yn cael eu cynnal mewn gwahanol leoliadau yng Nghymru bob yn ail fis. Er mwyn sicrhau hygyrchedd a chynwysoldeb rydym yn ffrydio ein sesiynau’n fyw, gan wahodd cynulleidfa ehangach i ymgysylltu.