Cyhoeddi Jack Rigby fel ein Pennaeth Technoleg newydd

Helo, Jack ydw i, Pennaeth Technoleg newydd CDPS.

Rydw i’n wreiddiol o ogledd-orllewin Lloegr ac wedi astudio ym Mhrifysgol Leeds.

Fel rhan o gynllun graddedigion Cyngor Dinas Leeds, darganfyddais fy angerdd am y tro cyntaf dros ddod â safbwyntiau defnyddwyr i dechnoleg gyhoeddus. Drwy redeg labordai arloesi sydd â’r nod o greu gwasanaethau sy’n canolbwyntio ar ddefnyddwyr ac yn eiriol dros ddull data agored ar draws y gwasanaethau presennol, gwelais yn uniongyrchol yr amrywiaeth o bwysau a wynebir gan lywodraeth leol a heriau a wynebir wrth ddefnyddio dulliau caffael TG traddodiadol. Gellir lleihau’r pwysau hwn yn rhannol o leiaf drwy ddulliau sy’n canolbwyntio ar y defnyddiwr.

Roeddwn eisiau gweithio’n fwy uniongyrchol ar yr heriau hyn, felly symudais i reoli perthynas fusnes TG. Yma cefais y fraint o weithio gydag arbenigwyr angerddol ac roeddwn yn cydnabod bod galluogi eraill i gyrraedd eu potensial drwy weithio’n ddigidol yn rhywbeth oedd yn fy nghyffroi. Datblygais berthynas gadarnhaol gyda chydweithwyr o feysydd amrywiol, gan weithio ar brosiectau megis amddiffynfeydd llifogydd a goleuadau traffig, gan sicrhau bod TG yn cyfrannu at lwyddiant busnes fel arfer, a phrosiectau seilwaith mawr.

Cyn gweithio ym maes TG, treuliais amser yn darparu gwasanaethau’r cyngor; gweithio mewn hyfforddiant iechyd a gofal cymdeithasol ac mewn timau pen blaen a dylunio gwe eraill, felly rwy’n gwybod yn uniongyrchol yr effaith y gall offer digidol ei chael ar allu staff i ddarparu ar gyfer anghenion defnyddwyr.

Yn fwy diweddar rwyf wedi treulio amser o fewn Cyllid a Thollau EF fel pensaer TG; dylunio newidiadau i system cwsmeriaid treth newydd ac etifeddol i gydbwyso anghenion cwsmeriaid, strategaeth TG a chyfleoedd technegol. Rwyf hefyd wedi bod yn ddigon ffodus i weithio yn ein gofod arloesi, sy’n gyffrous fel rhywun sydd â llygad ar dechnoleg newydd ac sy’n herio ffyrdd sefydledig o weithio.

Mae uchelgeisiau digidol Cymru a CDPS wir yn fy nghyffroi. Mae cyfle yma i osod y safon ar gyfer dod at ein gilydd fel ecosystem gyhoeddus a dwi methu aros i chwarae fy rhan.

Mae gwerth gweithio gyda’n gilydd yn rhywbeth y mae llawer o lefydd yn dechrau dod i ddeall, ond nid wyf wedi gweld ymrwymiad mor glir i roi defnyddwyr wrth graidd gwasanaethau ag wyf wedi gweld yma’n CDPS.

Yn y pen draw, mae newid sylweddol yn rhywbeth y mae’n rhaid i bobl dymuno, a gallaf weld eisoes fod CDPS yn dod â phobl ynghyd o bob cornel o wasanaethau cyhoeddus yng Nghymru sydd eisiau’r newid hwnnw.

Byddaf yn ymwreiddio fy hun yn bennaf yn y sector cyhoeddus presennol yng Nghymru ac yn ymgysylltu â llawer o sefydliadau i ddeall eu heriau a’r pwysau sy’n unigryw i Gymru.

Byddaf hefyd yn defnyddio fy mhrofiad i fynd i’r afael â blaenoriaethau’r Ganolfan; cyfrannu at drafodaethau ar sut i wneud i hunaniaeth ddigidol weithio i’r wlad, cyfleoedd a gyflwynir gan awtomeiddio a manteision posibl i fabwysiadu ymagwedd “Unwaith i Gymru” at rai gwasanaethau cyhoeddus.

Yn fy amser hamdden, rwy’n tueddu i fod ag obsesiwn dros lawer o wahanol hobïau yn dibynnu ar yr hyn sy’n dal fy sylw neu ba dwll syrthiais i lawr yn ddiweddar. Unrhyw beth o goginio, pobi, cerdded neu ffotograffiaeth – yn enwedig lle mae teclyn neu syniad newydd i’w brofi.

Y rhan fwyaf o’r amser gallwch chi fy nal i gyda rhyw fath o nofel neu’n gwylio cyfresi Sci-Fi neu ffantasi, ond mae’n bosib fy annog i estyn allan os oes gennych unrhyw argymhellion.

Rwy’n mwynhau mynd allan a gweld llefydd newydd, fel arfer yn y Dales a’r Ucheldiroedd; mae cefn gwlad hardd Cymru yn siŵr o chwarae mwy o ran yn y teithiau hyn!

Os hoffech chi gysylltu a thrafod technoleg yng Nghymru, anfonwch e-bost at jack.rigby@gwasanaethaucyhoeddusdigidol.llyw.cymru