Sut i ddenu talent i rolau digidol, data a thechnoleg
Rydym yn rhannu rhai datrysiadau a syniadau i’r broblem sy’n wynebu nifer o sefydliadau yn y sector cyhoeddus, yn y farchnad swyddi bresennol, i ddenu pobl dalentog i swyddi digidol, data a thechnoleg.
24 Tachwedd 2022
Rydym wedi bod yn gweithio gyda’n partner atebion talent SyncD a’n pobl a’n harweinydd lles, Sarah Carter. Maent wedi datblygu strategaeth recriwtio triw a phrofi sy’n gynhwysol ac yn llwyddiannus; ar ôl cyflogi 17 aelod o staff parhaol mewn 5 mis.
Dyma’r cofnod blog cyntaf yn ein cyfres Denu, Recriwtio, Cadw. Nod y gyfres yw mynd i’r afael â’r argyfwng yn y sector gyhoeddus wrth geisio denu, recriwtio a chadw mewn rolau digidol, data a thechnoleg.
Rydym hefyd yn cyhoeddi offer a thempledi recriwtio y gallwch eu defnyddio er mwyn rhoi o’n datrysiadau a’n syniadau ar waith.
Eich cynulleidfa darged
Man cychwyn pwysig i unrhyw ymgyrch recriwtio yw sicrhau eich bod yn deall eich cynulleidfa darged a sut y byddant yn derbyn eich hysbyseb.
Gallwch wneud hyn drwy siarad am y rôl gydag aelodau o staff sydd eisoes yn gweithio yn y proffesiwn rydych chi’n bwriadu penodi iddo.
Gallwch hefyd ddefnyddio LinkedIn Talent Insights. Bydd hyn yn rhoi gwybodaeth fewnol ar dueddiadau’r farchnad i chi. Er enghraifft, os oes cyfradd gadael uchel (hynny yw, llawer o bobl yn gadael) o fewn un cwmni neu sefydliad byddwch yn gallu gweld hyn. Gallwch ddefnyddio’r wybodaeth hon i dargedu gweithwyr o’r sefydliad hwn.
Bydd ymgeiswyr o safon uchel yn cael eu boddi gan negeseuon recriwtwyr. Mae’n bwysig felly bod pwrpas i’ch neges a bod y rôl sydd yn cael ei hysbysebu yn berthnasol i’w sgiliau.
Tynnu sylw ymgeisydd posib
Wrth ysgrifennu neges i ymgeisydd posib, dylech ddechrau trwy:
- gyflwyno eich hun a’ch rôl
- esbonio yn fras pwy yw’r sefydliad sy’n recriwtio a’i weledigaeth
- esbonio’r rôl a pham rydych chi’n meddwl eu bod nhw’n addas ar ei gyfer
Dylech deilwra bob neges, ond dyma wybodaeth hanfodol y dylech ei chynnwys:
- dolen i’r disgrifiad swydd llawn ar wefan
- y cyflog
- buddion y sefydliad i staff
- enghreifftiau o brosiectau’r sefydliad
- cynnig i gael sgwrs uniongyrchol dros y ffôn neu drwy alwad fideo cyn iddyn nhw wneud cais
- Y dyddiad cau
- eich manylion cyswllt
Ymgeiswyr goddefol
Mae’n bwysig ymgysylltu ag ymgeiswyr goddefol drwy gydol eich proses recriwtio.
Gellir diffinio ymgeisydd goddefol fel rhywun sydd:
- yn cael eu cyflogi ar hyn o bryd
- ddim yn mynd ati i geisio gadael eu rôl bresennol
- yn agored i glywed am gyfleoedd
Mae arolwg LinkedIn diweddar wedi dangos sut mai ymgeiswyr goddefol yw hyd at 75% o’r farchnad sydd ar gael.
Mae eich strategaeth hysbysebu yn allweddol i ddenu ymgeiswyr goddefol. Gallai eich strategaeth gynnwys:
- ymgysylltu’n uniongyrchol â grwpiau perthnasol ar LinkedIn a Twitter
- rhannu cofnodion blog gyda rhwydweithiau perthnasol
- gofyn am atgyfeiriadau gan gyd-weithwyr
- tynnu sylw ymgeiswyr yn uniongyrchol gan ddefnyddio strategaeth recriwtio uniongyrchol ar LinkedIn
Os ydych wedi datblygu rhwydwaith cryf gyda’ch presenoldeb ar y cyfryngau cymdeithasol a’ch gwefan ddeniadol, yna dylai hyn hefyd helpu i ddenu ymgeiswyr goddefol a gwneud yn siŵr eu bod yn gwybod am eich gweithgaredd recriwtio.
Recriwtio ar y cyfryngau cymdeithasol
Mewn marchnad swyddi gythryblus, mae’n rhaid ymgeiswyr gredu yng ngweledigaeth eich cwmni.
Ers pandemig COVID-19, nid yw pobl yn cymryd rolau newydd ar gyfer gynyddu’u cyflog neu wella’u gyrfa yn unig. Mae pobl hefyd yn chwilio am sefydliadau sy’n mynd ati i geisio cael effaith gadarnhaol.
Gweithio yn yr awyr agored
Yn aml gallwch greu chwilfrydedd drwy:
- weithio yn yr awyr agored ar y cyfryngau cymdeithasol
- rhannu’r prosiectau cyffrous rydych chi’n eu datblygu fel busnes
- bod yn dryloyw ym mhopeth rydych chi’n ei wneud
Bydd hyn yn helpu i greu diddordeb yn eich rolau gwag.
Arfer gorau ar y cyfryngau cymdeithasol
Dyma gyngor i gynyddu ymgysylltiad a chyrhaeddiad ar y cyfryngau cymdeithasol:
- dylech gynnwys digon o ‘ofod gwyn’ – peidiwch â chlymu testun gyda’i gilydd
- rhannwch frawddegau ar wahân gyda thoriadau llinell
- dechreuwch eich neges gyda chwestiwn a fydd yn ennyn diddordeb
- defnyddiwch hashnodau yn eich neges (argymhelliad LinkedIn yw dim rhagor na 3 hashnod)
- tagiwch aelodau o’ch uwch dîm arwain neu staff gyda rhwydweithiau mawr
- anogwch staff i aildrydar neu ail-rannu gyda sylw
Cynyddu amrywiaeth gyda grwpiau cyfryngau cymdeithasol
Mae rhwydweithiau neu grwpiau cyfryngau cymdeithasol yn aml yn cael eu hanwybyddu fel offeryn defnyddiol. Fodd bynnag, maent yn ddull cost-effeithiol a chyflym a all fod yn hanfodol wrth hysbysebu eich rôl i gymunedau mwy amrywiol.
Yn CDPS, rydym yn cyhoeddi yn ddwyieithog ar ein holl gyfryngau cymdeithasol. Mae hyn yn annog rhyngweithio ac ymestyn tua thalentau cymunedau amrywiol Cymru.
Mae hefyd yn bwysig ymgysylltu â grwpiau LGBTQI+ a Contendiverse ar Slack, LinkedIn neu hyd yn oed Instagram a TikTok. Bydd llawer o aelodau’n ymgeiswyr goddefol sydd ddim yn cofrestru ar fyrddau swyddi. Mae eu cyfarfod ar lwyfannau y byddant eisoes yn eu defnyddio yn ffordd o estyn allan.
Ni ddylai’r ymgysylltu hwn ddechrau a gorffen gyda dolen i’ch hysbyseb swydd. Dylai fod yn ymdrech ymwybodol, barhaus i weithio gydag aelodau’r grŵp a’u denu. Dylech hefyd fod yn onest am eich cynnydd mewn amrywiaeth, cydraddoldeb a chynhwysiant yn hytrach na chymryd ymagwedd gyffredin at y pwnc.
Creu argraff gyda’ch gwefan
Gwefan eich cwmni yn aml yw’r argraff gyntaf i ymgeiswyr posib. Dylai ddangos amcanion eich cwmni yn glir yn ogystal â dangos prosiectau enghreifftiol sy’n cyffroi pobl.
Dylai tudalen recriwtio ar wefan bob amser fod yn ddeniadol i’r holl ymgeiswyr p’un ai yw’r cwmni yn recriwtio ar y pryd neu beidio. Yn CDPS, rydym ar hyn o bryd yn newid ein tudalen recriwtio i adlewyrchu hyn.
Disgrifiadau swydd cynhwysol
Mewn hysbyseb swydd gynhwysol, dylech:
- gynnwys y cyflog
- rhestru buddion y cwmni i staff
- defnyddio iaith niwtral o ran rhywedd
- cynnwys datganiad cynwysoldeb
Datganiad cynwysoldeb enghreifftiol
Darllenwch ymlaen
Mae ymchwil yn dangos, tra bod dynion yn gwneud cais am swyddi y maen nhw’n bodloni 60% o’r meini prawf ar eu cyfer, mae menywod a phobl eraill ar yr ymylon yn tueddu i ymgeisio dim ond pan fyddant yn ticio pob blwch.
Felly, os ydych chi’n credu eich bod yn addas i’r rôl, ond nid ydych o reidrwydd yn bodloni pob pwynt ar y swydd ddisgrifiad, daliwch ati i gysylltu â ni. Byddem yn falch iawn o gael sgwrs i weld a fyddech yn gweddu i’r rôl.
Rydym yn frwd ynglŷn â chreu gweithlu amrywiol ac yn annog ceisiadau gan gymunedau sydd wedi’u tangynrychioli. Rydym yn croesawu cyfle cyfartal ni waeth am anabledd, niwrowahaniaeth, tarddiad ethnig, lliw, cenedligrwydd, rhywedd a chyflwyniad rhywedd, statws priodasol, cyfeiriadedd rhywiol, diwylliant a chrefydd.
Gweminar
Ar y gweill
Dilynwch ni ar Twitter neu LinkedIn i glywed am y gweminar nesaf yn y gyfres Denu, Recriwtio, Cadw.
Gallwch ddefnyddio ein templedi ac offer recriwtio i roi rhai o’n hawgrymiadau ar waith.
