Mapio cynhwysiant digidol
Beth oedd y nod?
Roedd y prosiect hwn yn edrych ar edefyn arbennig o’r Adolygiad Tirwedd Ddigidol: pa mor hygyrch yw gwasanaethau cyhoeddus digidol i holl drigolion Cymru.
Pa broblemau gallai’r prosiect eu datrys i bobl?
Bydd trawsnewid digidol yng Nghymru yn golygu bydd rhai pobl yn cael eu gadael ar ôl.
Mae strategaeth ddigidol Cymru yn diffinio cynhwysiant digidol fel “rhoi’r cymhelliant, mynediad, sgiliau a hyder i bobl ymgysylltu â’r byd cynyddol ddigidol, yn seiliedig ar eu hanghenion”. Yn wir, mae’r nod yma’n rhan o lythyr cylch gwaith y CDPS ac yn ganolog i’r rheswm dros ein bodolaeth.
Bwriad y prosiect yma oedd cynhyrchu cyfeiriadur gweithgaredd cynhwysiant digidol ar draws Cymru. Byddai’r cyfeiriadur yn rhoi’r cyfle i ni adnabod gweithgareddau cynhwysiant eraill, a darganfod os ellir eu cydgysylltu. Byddai dadansoddiad daearyddol a demograffig o’r weithgaredd yn datgelu sut mae rhanbarthau Cymreig yn gwahaniaethu o ran y cyfanswm gwariwyd ar gynhwysiant digidol, ac os yr ydynt yn targedu gwahanol grwpiau o bobl.
Pwy oedd wedi cymryd rhan?
Prif randaliad y prosiect oedd Dyfodol Llewyrchus Llywodraeth Cymru a Bwrdd Rhaglen Cynhwysiant Digidol Llywodraeth Cymru. Bu’r prosiect hefyd gweithio’n agos gyda Chymunedau Digidol Cymru a Chynghrair Cynhwysiant Digidol Cymru.
Comisiynwyd y gwaith hwn gan Swyddfa Prif Swyddog Digidol Llywodraeth Cymru.
Beth wnaeth CDPS?
Mapiodd CDPS weithgareddau cynhwysiant digidol ar draws bob ardal yng Nghymru, gan greu cwmpas y prosiect:
- band eang
- data
- dyfeisiau
- hygyrchedd, gan gynnwys fforddiadwyedd
- sgiliau digidol sylfaenol
- hyder
- cymhelliant
Yna fe wnaethom greu un cyfeiriadur yn cynnwys gweithgareddau cynhwysiant digidol yng Nghymru o fewn cwmpas y prosiect, dros y 2 flynedd ddiwethaf.
Roedd allbynnau prosiectau eraill yn cynnwys:
- map cynhwysiant digidol, yn dangos nifer y bobl a dargedwyd ar gyfer gweithgareddau cynhwysiant digidol, y gwariant cysylltiedig, ym mhob rhanbarth yng Nghymru
- adroddiad yn ymdrin â methodoleg y prosiect, dadansoddiad o’r data a gasglwyd a chymaryddion rhyngwladol
Beth fydd yn digwydd nesaf?
Rydym wedi dechrau creu’r cyfeirlyfr unigol o weithgareddau cynhwysiant digidol yng Nghymru, o fewn cwmpas y prosiect, yn ystod y 2 flynedd ddiwethaf.
Nesaf, byddwn yn amlygu’r tueddiadau daearyddol a demograffig sy’n gysylltiedig â’r gweithgareddau hyn.
Gan edrych ymhellach tua’r dyfodol, bydd allbynnau’r prosiect hwn yn cynnwys:
- map cynhwysiant digidol, sy’n dangos nifer y bobl a dargedwyd ar gyfer gweithgareddau cynhwysiant digidol, a gwariant cysylltiedig, ym mhob ardal o Gymru
- adroddiad sy’n ymdrin â methodoleg y prosiect, dadansoddiad o’r data a gasglwyd a chymaryddion rhyngwladol
Sut wnaeth y prosiect yma helpu darparu’r strategaeth ddigidol i Gymru?
Helpodd y prosiect cyflawni tair cenhadaeth y strategaeth:
Cenhadaeth 1: gwasanaethau digidol
Darparu a moderneiddio gwasanaethau i’w gynllunio i ddylunio o amgylch anghenion y defnyddiwr, mewn modd syml a chyfleus. Gobeithiwn bydd hyn o ganlyniad i fapio cynhwysiant digidol.
Cenhadaeth 2: cynhwysiant digidol
Rhoi’r cymhelliant, mynediad, sgiliau, a hyder i bobl ymgysylltu â’r byd cynyddol ddigidol, yn seiliedig ar eu hanghenion.
Cenhadaeth 4: economi digidol
Ysgogi ffyniant a gwydnwch economaidd drwy groesawu a manteisio ar arloesedd digidol.
Postiadau blog
Pontio’r rhaniad digidol yng Nghymru – cyhoeddwyd 7 Ebrill 2022
