Presgripsiynu digidol mewn practisau meddygon teulu a fferyllfeydd lleol (gofal sylfaenol)
Cefndir
Rydym yn gweithio gyda Iechyd a Gofal Digidol Cymru ar ddwy ran o’r Portffolio Trawsnewid Meddyginiaethau Digidol (DMTP). Un darn o waith yr ydym yn ei gefnogi yn ymwneud â ‘gofal sylfaenol’. Mae’n golygu bod CDPS a DMTP gweithio ynghyd â byrddau iechyd ac Ymddiriedolaethau’r GIG i wella’r ffordd y mae meddyginiaeth yn cael ei ragnodi a’i dosbarthu mewn meddygfeydd teulu, ac mewn fferyllfeydd yng Nghymru.
Ar hyn o bryd, mae rhan sylweddol o’r broses yn seiliedig ar bapur, ond cyn bo hir bydd yn symud tuag at dechnoleg a elwir yn Wasanaeth Presgripsiwn Electronig (EPS). Mae’r gwaith hwn yn rhan allweddol o’r DMTP sy’n ceisio gwneud rhagnodi, dosbarthu a gweinyddu meddyginiaethau ym mhob man yng Nghymru yn haws, yn fwy diogel, effeithlon ac effeithiol.
Daw hyn â chyfleoedd newydd i wella diogelwch, yn ogystal â gwella profiad cleifion a chlinigwyr. Ond mae yna hefyd gyfyngiadau, anghenion defnyddwyr newydd, ‘realiti blêr’ ffyrdd gweithio o ddydd i ddydd, a systemau a phrosesau presennol, rhwystrau ac anfanteision i’w deall.
Beth yw’r nod?
Er mwyn deall anghenion a barn y rhai sy’n ymwneud yn uniongyrchol â rhagnodi, dosbarthu, gweinyddu, rheoli a derbyn meddyginiaethau mewn lleoliadau gofal sylfaenol yng Nghymru – gan gynnwys practisau meddygon teulu a fferyllfeydd lleol.
Pa broblemau gallai’r prosiect eu datrys i bobl?
Drwy’r darganfyddiad hwn, rydym yn gobeithio dangos i fyrddau iechyd a thimau gweithredu lleol, y risgiau a’r cyfleoedd o symud i systemau rhagnodi electronig mewn lleoliadau gofal sylfaenol (practisau meddygon teulu a fferyllfeydd lleol), fel y gallant baratoi’n ddiogel, dewis yr opsiynau gorau a gweithredu mewn ffordd sy’n darparu’r budd mwyaf.
Pwy sy’n cymryd rhan?
Iechyd a Gofal Digidol Cymru yw partner CDPS yn y darganfyddiad yma. Mae CDPS yn gweithio gydag arbenigwyr pwnc Portffolio Trawsnewid Meddyginiaethau Digidol, ac yn cynnal ymchwil defnyddwyr gyda’r bobl sy’n ymwneud yn uniongyrchol â rhagnodi, dosbarthu, rhoi neu dderbyn meddyginiaethau, mewn lleoliadau gofal sylfaenol – gan gynnwys practisau meddygon teulu a fferyllfeydd lleol.
Beth mae CDPS wedi’i wneud?
- adeiladu golwg ar y gwasanaeth o un pen i’r llall, ac ennill gwell dealltwriaeth o’n defnyddwyr gwasanaeth trwy ymchwil defnyddwyr
- ymweld â fferyllfeydd a phractisau meddygon teulu ledled Cymru – siarad â’r gweithwyr gofal iechyd proffesiynol sy’n ymwneud â phob lleoliad, ac â’r bobl sydd angen meddyginiaeth
- creu darlun o’r hyn y gallai fod angen ei newid, a beth yw’r cyfleoedd i wella
Beth fydd yn digwydd nesaf?
Ysgrifennu argymhellion ar gyfer tîm gofal sylfaenol Iechyd a Gofal Digidol Cymru iddynt eu datblygu.
Sut bydd y gwaith hwn yn helpu cyflawni’r strategaeth ddigidol i Gymru?
Cenhadaeth 1: gwasanaethau digidol
Darparu a moderneiddio gwasanaethau fel eu bod wedi’u cynllunio o amgylch anghenion defnyddwyr a’u bod yn syml, yn ddiogel ac yn gyfleus.
Cenhadaeth 5: economi ddigidol
Ysgogi ffyniant a gwytnwch economaidd trwy groesawu a manteisio ar arloesedd digidol.
Cenhadaeth 6: data a chydweithio
Mae gwasanaethau’n cael eu gwella trwy gydweithio, gyda data a gwybodaeth yn cael eu defnyddio a’u rhannu.
Cofnodion blog
Symud tuag at bresgripsiynau electronig yng Nghymru – cyhoeddwyd 21 Tachwedd 2022
Dod ynghyd i wella ansawdd gwasanaethau presgripsiwn yng Nghymru – cyhoeddwyd 2 Tachwedd 2022
