CDPS yn lansio gwefan newydd mewn beta gyhoeddus
Ers mis Tachwedd, mae tîm o fewn CDPS wedi gweithio i ailddatblygu ein gwefan er mwyn diwallu anghenion ein defnyddwyr yn awr ac yn y dyfodol
18 Mai 2023
Adeiladwyd a lansiwyd gwefan CDPS yn 2020. Fodd bynnag, roeddem yn credu y gellid gwella’r wefan i ddiwallu anghenion presennol ein defnyddwyr. Fe benderfynon ni gynnal cyfnod darganfod i gynnal ymchwil defnyddwyr pellach er mwyn deall sut mae anghenion ein defnyddwyr wedi newid ers adeiladu’r wefan, ac i ddarparu gwefan sy’n diwallu’r anghenion hynny’n well.
Dechreuodd tîm o fewn CDPS weithio gyda chyflenwr allanol, cwmni dylunio sy’n canolbwyntio ar y defnyddiwr, Hoffi, a’u gwreiddio yn y tîm o’r dechrau. Galluogasom ni i gynnal ymchwil defnyddwyr ac adeiladu prototeipiau ar yr un pryd, heb yr angen i redeg cyfnod darganfod, ac yna mynd allan i gaffael datblygwr gwefan yn ddiweddarach.
Yn ystod y cyfnod darganfod, fe wnaethom ddod o hyd i welliannau yr hoffai defnyddwyr mewnol ac allanol eu gweld yn cael eu gwneud i’r wefan trwy ymchwil defnyddwyr. Yna cafodd rhain ei gategoreiddio, ei sgorio a chrëwyd ôl-groniad o flaenoriaethau.
Yn ystod alffa, fe wnaethom greu prototeipiau o’r wefan newydd i alluogi adborth pellach gan ein rhanddeiliaid a grwpiau defnyddwyr, a helpodd i flaenoriaethu gwelliannau ymhellach. Dechreuon ni hefyd weithio gyda thîm Iaith Profiad Byd-eang (GEL) Llywodraeth Cymru ar safonau dylunio, hygyrchedd a strwythur cynnwys.
Yn ystod beta, rydym wedi gweithredu nifer o welliannau ac wedi creu ein cynnyrch sylfaenol hyfyw – sydd bellach yn barod i fynd i mewn i feta gyhoeddus (lle byddwn yn gofyn i ddefnyddwyr brofi’r wefan yn ei ffurf lawn a rhoi adborth i ni cyn y lansiad swyddogol).
Dweud eich dweud!
Os ydych chi eisiau dysgu mwy am y prosiect hwn, gwyliwch ein sioeau dangos a dweud neu ewch i’n gwefan Notion.
