Offer a thempledi i ddenu, recriwtio a chadw talent
Bydd yr offer a’r templedi hyn yn eich helpu i ddenu, recriwtio a chadw’r bobl iawn mewn rolau digidol, data a thechnoleg.
Mae rhwydd hynt i chi ddefnyddio’r templedi ar y dudalen hon at eich dibenion eich hunain.
Cynnwys y dudalen:
Offer a thempledi i ddenu ymgeiswyr:
- Cynnwys neges i dynnu sylw darpar ymgeiswyr
- Arfer gorau ar gyfer disgrifiadau swydd
- Cymunedau i adnabod a denu talent amrywiol
- Arfer gorau wrth ddefnyddio’r cyfryngau cymdeithasol
Offer a thempledi recriwtio:
- Enghraifft o dempled cyfweld
- Templed sgorio a dadansoddi ymgeiswyr
- Enghraifft o fwrdd Trello i ddilyn y broses recriwtio
Templedi ar gyfer cadw staff:
Darllen pellach:
Cynnwys neges i dynnu sylw darpar ymgeiswyr
Wrth ysgrifennu neges i ymgeisydd posib, dylech ddechrau trwy:
- gyflwyno eich hun a’ch rôl
- esbonio yn fras pwy yw’r sefydliad sy’n recriwtio a’i weledigaeth
- esbonio’r rôl a pham rydych chi’n meddwl eu bod nhw’n addas ar ei gyfer
Dylech deilwra bob neges, ond dyma wybodaeth hanfodol y dylech ei chynnwys:
- dolen i’r disgrifiad swydd llawn ar wefan
- y cyflog
- buddion y sefydliad i staff
- enghreifftiau o brosiectau’r sefydliad
- cynnig i gael sgwrs uniongyrchol dros y ffôn neu drwy alwad fideo cyn iddyn nhw wneud cais
- y dyddiad cau
- eich manylion cyswllt
Arfer gorau ar gyfer disgrifiadau swydd
Enghraifft o ddisgrifiad swydd
Dyma enghraifft o swydd ddisgrifiad wrth recriwtio i rolau digidol, data a thechnoleg.
Mae Cynor Castell-nedd Port Talbot wedi rhannu disgrifiadau swydd a manylebau person ar gyfer rolau Digidol, Data a Thechnoleg.
Cynnwys swydd ddisgrifiad cynhwysol
Mewn hysbyseb swydd gynhwysol, dylech:
- gynnwys y cyflog ymhob disgrifiad swydd
- rhestru buddion y cwmni i staff
- defnyddio iaith niwtral o ran rhywedd
- cynnwys datganiad cynwysoldeb
Enghraifft o ddatganiad cynwysoldeb
Dyma ddatganiad cynwysoldeb yr ydym wedi’i ddefnyddio mewn disgrifiadau swydd yn y Ganolfan Gwasanaethau Cyhoeddus Digidol:
Darllenwch ymlaen
Mae ymchwil yn dangos, tra bod dynion yn gwneud cais am swyddi y maen nhw’n bodloni 60% o’r meini prawf ar eu cyfer, mae menywod a phobl eraill ar yr ymylon yn tueddu i ymgeisio dim ond pan fyddant yn ticio pob blwch.
Felly, os ydych chi’n credu eich bod yn addas i’r rôl, ond nid ydych o reidrwydd yn bodloni pob pwynt ar y swydd ddisgrifiad, daliwch ati i gysylltu â ni. Byddem yn falch iawn o gael sgwrs i weld a fyddech yn gweddu i’r rôl.
Rydym yn frwd ynglŷn â chreu gweithlu amrywiol ac yn annog ceisiadau gan gymunedau sydd wedi’u tangynrychioli. Rydym yn croesawu cyfle cyfartal ni waeth am anabledd, niwrowahaniaeth, tarddiad ethnig, lliw, cenedligrwydd, rhywedd a chyflwyniad rhywedd, statws priodasol, cyfeiriadedd rhywiol, diwylliant a chrefydd.
Cymunedau i adnabod a denu talent amrywiol
Mae hefyd yn bwysig ymgysylltu â grwpiau LGBTQI+ a Contendiverse ar Slack, LinkedIn neu hyd yn oed Instagram a TikTok. Bydd llawer o’r aelodau yno’n ymgeiswyr goddefol sydd ddim yn cofrestru gyda byrddau swyddi. Mae mynd i’w cyfarfod ar lwyfannau y byddant eisoes yn eu defnyddio yn ffordd o estyn allan.
Dyma restr o grwpiau Slack y medrwch ymgysylltu â nhw os ydych yn gweithio ym myd technoleg.
Arfer gorau wrth ddefnyddio’r cyfryngau cymdeithasol
I gynyddu’ch ymgysylltiad a chyrhaeddiad ar y cyfryngau cymdeithasol, dylech:
- gynnwys digon o ‘ofod gwyn’ – peidiwch â phentyrru gormod o destun gyda’i gilydd
- rhannu brawddegau yn llinellau ar wahân
- dechrau eich neges gyda chwestiwn a fydd yn ennyn diddordeb
- defnyddio hashnodau yn eich neges (mae LinkedIn yn argymell dim rhagor na 3 hashnod)
- tagio aelodau o’ch uwch dîm arwain neu staff sydd â rhwydweithiau mawr
- annog staff i aildrydar neu ail-rannu gyda sylw
Enghreifftiau o negeseuon ar y cyfryngau cymdeithasol
Templedi recriwtio
Enghraifft o dempled cyfweld
Medrwch ddefnyddio’r templed hwn i gynnal cyfweliadau.
Templed sgorio a dadansoddi ymgeiswyr
Medrwch ddefnyddio’r templed hwn i sgorio ymgeiswyr mewn cyfweliad.
Enghraifft o fwrdd Trello i ddilyn y broses recriwtio
This Trello board can help you track the progress of recruiting.
Templedi cadw
Templed cyfweliad ymadael
Defnyddiwch y templed hwn i ddeall y rhesymau bod aelod o staff yn gadael eich sefydliad. Bydd hyn yn eich helpu i ddeall pa gamau y medrwch eu cymryd i gadw staff yn y dyfodol.
Gweminarau
Gwyliwch weminar ‘denu’ ar YouTube:
Gwyliwch weminar recriwtio talent ar YouTube:
Gwyliwch recordiad o weminar cadw talent ddigidol, data a thechnoleg:
